Ахсынньы ый 1 күнүгэр Таатта улууһун Ытык-Күөл сэлиэнньэтигэр  Олоҥхо Юнескоҕа киирбитэ 20 сылыгар аналлаах тэрээһинҥэ Уолба нэһилиэгиттэн кыттыыны ыллыбыт.

  Нэһилиэктэр Норуот айымньытын дьиэтин үлэһиттэрин баай фантазияларынан тигиллибит кэрэ көстүүлээх олоҥхо персонажтарынан косплейга кыттыыны ыллылар. Биһиги нэһилиэктэн: 

- Кыталык Кыыс- Күн Туйаарыма  - Анастасия Боппосова

- Дьөһөгөй Тойон - Леонид Егоров

-Баай Байанай - Уйсиэн Борисов кытыннылар. 

     Үөрүүлээх чааска, биир дойдулаахпыт, олоҥхону толорооччу Зинаида Иннокентьевна Слепцова Нерюнгри куоракка ыытыллыбыт өрөспүүбүлүкэтээҕи Олоҥхо ыһыаҕар кыттыбытын иһин Махтал суругунан наҕараадаланна. 

   "Таатта улууһун талба талааннаахтара" атыы-тутуу дьаарбаҥкатыгар ыаллыы сытар Баайаҕа, Уолба уонна Алдан нэһилиэктэрэ биир бөлөх буолан кыттыһан туос иһиккэ сандалы остуолу бэлэмнээн күрэскэ кыттыыны ыллыбыт. Өр ... Читать дальше »

Уолба нэһилиэгэр сэтинньи 26 күнүгэр Саха Өрөспүүбүлүкэтигэр Хомус уонна Олоҥхо күннэригэр аналаах тэрээһин буолан ааста. Тэрээһин олохтоох олоҥхону толорооччулар Зинаида Иннокентьевна Слепцова уонна 7 кылаас үөрэнээччитэ Устя Лазарева уонна "Кэнчээри" уһуйаан иитиллээччилэрэ М.Н.Андросова, П.Е.Решетников- Көһөҥө Бүөтүр уонна П.А.Ойуунускай  "Дьулуруйар Ньургун Боотур"  олоҥхолортон быһа тардан толорууларыттан саҕаланна.  Онтон салҕыы оскуола оҕолоро уонна нэһилиэк түөлбэлэрэ кыттыылаах олоҥхо персонажтарынан Косплей буолла. Кыттааччылар бука бары олус үчүгэйдик оҥосто көрөөччүлэр биһирэбиллэрин ыллылар. 

Дьүүллүүр сүбэ быһаарыытынан уопсай Түмүккэ: Оскуола оҕолоругар

1 миэстэ- Дабаан бөлөх - Илбис кыыһа уонна Уот Уһутаакы

2 миэстэ - Аартык бөлөх  - Кыы ... Читать дальше »

Сэтинньи 28 күнүгэр Уолба нэһилиэгиттэн кынат үүннэрэн тахсыбыт биир дойдулаахпыт, чаҕылхай ырыаһыт, РСФСР уонна  Саха АССР норуодунай, Саха АССР үтүөлээх  артыыскатата, "Бочуот Знага" уордьан кавалера, саха бастакы үөрэхтээх опернай режиссера Анна Ивановна Егорова төрөөбүтэ 110 сылыгар аналлаах дьоро киэһэ буолан ааста. 

Бу киэһэ Игнатий Слепцов аатынан норуот айымньытын киинигэр Анна Ивановна ырыалара дуораччы ылланнылар. Кини туһунан истиҥ ахтыылары аймахтара , Дьокуускай куораттан Россия норуодунай артыыһа Иван Прокопьевич Степанов, Анна Ивановна төрөппүт кыыһа РФ уонна СР үтүөлээх бырааһа , Республика Бочуоттаах олохтооҕо Земфира Макаровна Кузьмина оҥордулар. Тэрээһиҥҥэ "Таатта" литературнай-художественнай түмэл үлэһиттэрэ салайааччы Д.Таппыров, специалист М.Туласынова Анна Ивановна туһунан быыстапканы туруордулар, кини туттубут малларын аҕалан көрдөрдөрөн дьон сэҥээриитин ыллылар. 

... Читать дальше »

Уолба нэһилиэгэр олохтоох көҕүлээһини өйүүр программанан (ППМИ) оҥоһуллубут Хамньыкы үрэҕи туоруур муоста арыллыытын үөрүүлээх тэрээһинэ буолла. 

Кыһыл лиэнтэни тутааччы Виктор Другин, нэһилиэк баһылыга Василий Рахлеев, үлэ саҕаланыаҕыттан үлэлэспит, баһылыктаан олорбут Александр Винокуров быстылар. Муоста тутуутугар көмөлөспүт бары нэһилиэк олохтоохторугар барҕа махтал тыллар этилиннилэр.