Уолба нэһилиэгэр сэтинньи 26 күнүгэр Саха Өрөспүүбүлүкэтигэр Хомус уонна Олоҥхо күннэригэр аналаах тэрээһин буолан ааста. Тэрээһин олохтоох олоҥхону толорооччулар Зинаида Иннокентьевна Слепцова уонна 7 кылаас үөрэнээччитэ Устя Лазарева уонна "Кэнчээри" уһуйаан иитиллээччилэрэ М.Н.Андросова, П.Е.Решетников- Көһөҥө Бүөтүр уонна П.А.Ойуунускай  "Дьулуруйар Ньургун Боотур"  олоҥхолортон быһа тардан толорууларыттан саҕаланна.  Онтон салҕыы оскуола оҕолоро уонна нэһилиэк түөлбэлэрэ кыттыылаах олоҥхо персонажтарынан Косплей буолла. Кыттааччылар бука бары олус үчүгэйдик оҥосто көрөөччүлэр биһирэбиллэрин ыллылар. 

Дьүүллүүр сүбэ быһаарыытынан уопсай Түмүккэ: Оскуола оҕолоругар

1 миэстэ- Дабаан бөлөх - Илбис кыыһа уонна Уот Уһутаакы

2 миэстэ - Аартык бөлөх  - Кыыс Ньургун уонна Ньургун Боотур

3 миэстэ - Ыллык бөлөх -  Ньургун Боотур, Сабыйа Баай Хотун уонна Сорук Боллур

Түөлбэлэргэ: 

1 миэстэ - Кочкин түөлбэ - Кытылык Кыыс- Күн Туйаарыма уонна Дьөһөгөй Тойон

2 миэстэ Алаас түөлбэ - Аан Алахчын хотун уонна Айыы Умсуур удаҕан

3 миэстэ - Куула түөлбэ - Кыыс Кыскыйдаан уонна Өксөкү кыыл

Олоҥхо күнүгэр аналлаах "НОО!!!" тэрээһиммитин оскуола үөрэнээччилэрэ Алина Таппырова уонна Айаана Семенова оһуохайынан түмүктээтилэр. (сал.А.П.Боппосова)

Бука бары кыттааччыларбытыгар тэрийээччилэр ааттарыттан  махтанабыт!