Ахсынньы ый 1 күнүгэр Таатта улууһун Ытык-Күөл сэлиэнньэтигэр  Олоҥхо Юнескоҕа киирбитэ 20 сылыгар аналлаах тэрээһинҥэ Уолба нэһилиэгиттэн кыттыыны ыллыбыт.

  Нэһилиэктэр Норуот айымньытын дьиэтин үлэһиттэрин баай фантазияларынан тигиллибит кэрэ көстүүлээх олоҥхо персонажтарынан косплейга кыттыыны ыллылар. Биһиги нэһилиэктэн: 

- Кыталык Кыыс- Күн Туйаарыма  - Анастасия Боппосова

- Дьөһөгөй Тойон - Леонид Егоров

-Баай Байанай - Уйсиэн Борисов кытыннылар. 

     Үөрүүлээх чааска, биир дойдулаахпыт, олоҥхону толорооччу Зинаида Иннокентьевна Слепцова Нерюнгри куоракка ыытыллыбыт өрөспүүбүлүкэтээҕи Олоҥхо ыһыаҕар кыттыбытын иһин Махтал суругунан наҕараадаланна. 

   "Таатта улууһун талба талааннаахтара" атыы-тутуу дьаарбаҥкатыгар ыаллыы сытар Баайаҕа, Уолба уонна Алдан нэһилиэктэрэ биир бөлөх буолан кыттыһан туос иһиккэ сандалы остуолу бэлэмнээн күрэскэ кыттыыны ыллыбыт. Өрүспүт, үрэхпит уонна күөллэрбит балыктарынан дегустация остуолун сырдаттыбыт. Күрэс түмүгүнэн, "Бастыҥ оһуордаах иһиттээх баай астаах сандалы" анал ааты ыллыбыт.

   Бүгүҥҥү тэрээһин сүрүн "Алаас ааттаах, дойду сурахтаах" быыстапкатыгар  нэһилиэктэргэ олорон ааспыт олоҥхоһуттар уонна кинилэр  туһунан чахчылар, үһүйээннэр сырдатылыннылар.  

      Нэһилиэкпит аатыттан кыттыыны ылбыт биир дойдулаахтарбытыгар, эдэр ыччаттарбытыгар барҕа махталбытын тиэрдэбит.