Көлүөнэлэр ситимнэрэ — кэскилбит туоһута: Уолбаҕа Саха Өрөспүүбүлүкэтин Судаарыстыбаннаһын күнэ уонна Ветераннар хамсааһыннарын 40 сылын көрсөр тэрээһин бэлиэтэннэ.

Саха Өрөспүүбүлүкэтин Судаарыстыбаннаһын күнүн уонна Ветераннар хамсааһыннарын 40 сыллаах үбүлүөйүн көрсө, Уолба нэһилиэгэр ураты суолталаах, өрөгөйдөөх тэрээһин буолан ааста. Киэҥ далааһыннаах тэрээһин сүрүн уратытынан — Өрөспүүбүлүкэтээҕи Сэрии уонна тыыл ветераннарын сэбиэтин устуоруйалаах Знамятын көрсүү уонна чиэстээһин буолла.
Тэрээһин үөрүүлээх чааһа орто оскуола библиотекара, убаастабыллаах учуутал З.П. Боппосова Саха сирин судаарыстыбаннаһа олохтонуутун, сайдыытын уонна үйэлээх суолтатын туһунан дириҥ ис хоһоонноох дакылаатыттан саҕаланна. Ол кэннэ, олохтоох библиотека үлэһитэ Е.Ю. Рахлеева ветераннар хамсааһыннарын 40 сыллаах устуоруйатын сырдатан, кырдьаҕас көлүөнэ уопса ... Читать дальше »