Бүгүн Уолбабытыгар Игнатий Слепцов аатынан норуот айымньытын киинигэр  Аҕам саастаахтар декадаларыгар анаммыт «Ураты эйгэм сэһэнэ» айар быыстапка иһинэн икки сүрүн хайысха тэрилиннэ: иис-уус уонна сэдэх коллекциялар быыстапкалара.

Аҕам саастаах көлүөнэ иис-уус маастардарын муудараһа, сылаас илиилэрин иэйиитэ уонна сыралаах үлэтэ бу тэрээһин биир сүрүн киэргэлэ буоллулар. Быыстапкаҕа кэлбит дьон хас биирдии экспонаттарын сырдаттылар, ураты сэһэнин кэпсээтилэр.

Быыстапка сүрүн чаастара:

• Иис уонна уус эйгэтэ: Олохтоох маастардар Басова М.Н. тикпит сахалыы мааны таҥаһа, Попов В.Е. -мастан, Боппосов М.Т- туостан, муостан, мастан, Боппосов И.Т.- туой, мас, туос оҥоһуктара, Кусатов И.И.- хатыҥ мастан сахалыы иһиттэрэ,  Кусатова М.А.оҕуруонан, кылынан киэргэллэрэ, Кусатова А.П. кылынан уран оҥоһуктара, Багардынова А.П. джут быанан оҥорбут солун иһиттэрэ, Юнчанова А.И. күрүчүөгүнэн олус кэрэ куруһууба баайыылара, Попова Е.К. алмазнай мозаика хартыыналара, вышивкалаан оҥорбут паннолара  дьон сэҥээриитин ылыахтарын ыллылар.  
• Коллекционердар быыстапкалара: Уолба олохтоохторун сэдэх хомуурдара —хас эмэ уон сыл устата мунньуллубыт араас  мал-сал кэлбит ыалдьыттар   дириҥ болҕомтолорун тардан, хас биирдии киһи киэн туттар, сэргээн көрөр экспонатыгар кубулуйдулар. Быыстапкаҕа кытыннылар: Софронова А.Л., Васильева Д.Т, Басова М.Н., Кусатова М.А., Рахлеева А.И., Попова М.Д., Попова Е.К., Неустроева А.И..

Бу быыстапка Аҕам саастаахтарбыт  айар куттарын арыйан, кинилэр уопуттарын уонна үлэлэрин үйэтитэр, эдэр көлүөнэҕэ холобур буолар, сыаналаах үгэстэри сүнньүнэн көрдөрөр дириҥ ис хоһоонноох олус суолталаах көрсүһүү буолла. Салгыы хаартысканан көрүҥ...

/