Нэһилиэкпитигэр Аҕам саастаахтар күннэригэр аналлаах декадаҕа  ураты дьарыктаах коллекционердарбытын дьон-сэргэ  кэрэхсии көрөрүгэр анаан матырыйаал хомуйан онлайн быыстапка оҥорон таһаардыбыт. Дьикти дьарыктаах дьоммут манньыаттан саҕалаан иһитигэр-хомуоһугар, уруучукатыгар, былаатыгар уо.д.а. тиийэ мунньалларын туһунан интириэһинэйдик кэпсээбиттэрэ дьон болҕомтотун улаханнык тарта. Ол курдук Олег Данилович Егоров 1996 сылтан муспут  450-ча араас быһыылаах зажигалкалара,  Мария Николаевна Басова сүүстэн тахса былаата, Маргарита Викторовна Соломонова сахабыт сирин кэрэ сибэккитэ сардаана ойуулаах араһынай иһиттэрэ, магниттара, чэй уонна кэмпиэт тимир хаалара, Александра Лаврентьевна Софронова, Марина Даниловна Попова оҕо эрдэхтэриттэн саҕалаан муспут маркалара, манньыаттара, халандаардара, уруучукалара, чороонноро, Анна Петровна Боппосова, Дария Трофимовна Васильева эҥинэ бэйэлээх уруучукалара, Дария Иннокентьевна Винокурова араас дойдуттан кэлбит  куукулалара, Александра Ивановна Неустроева таас сувенирдара бары  туһунан суолталаахтара, ис хоһоонноохторо көрөөччү сэҥээриитин, биһирэбилин ылла. Биһиги коллекционердарбыт бу ураты дьарыктара хас биирдии киһиэхэ, ыччаттарга, оҕолорго өрүү холобур буолар.