Уолба нэһилиэгэр Саҥа дьыллааҕы тэрээһиннэр олохтоохтору сэргэхситтилэр

Саҥа дьылы көрсөр дьоро-мааны киэһэҕэ нэһилиэк баһылыга Василий Петрович Рахлеев бар дьонун эҕэрдэлээн туран, үгэс быһыытынан сыл бастыҥнарын, үлэ туйгуннарын, үбүлүөйдээх ытык дьоннорун чиэстээһиҥҥэ үрдүкү сыанаҕа ыҥыран эҕэрдэ суруктары туттарда.

«Бастыҥ салайааччы» — «Уолба» ТХПК бэрэссэдээтэлэ Семен Николаевич Андросов;
«Бастыҥ спортсмен» — Иннокентий Еремеевич Попов;
«Бастыҥ ОДьКХ үлэһитэ» — Модест Владимирович Баишев;
«Бастыҥ үөрэхтээһин эйгэтин үлэһитэ» — Дмитрий Павлович Данилов уонна Иванна Ивановна Рахлеева;
«Бастыҥ актыбыыс» — Айтал Николаевич Семенов;
«Бастыҥ общественник» — Аида Ивановна Борисова;
«Бастыҥ кэтэх хаһаайыстыбалаах ыал» — Анастасия уонна Петр Боппосовтар;
«Бастыҥ ыччат» — Айсен Иннокентьевич Рахлеев;
«Бастыҥ дьиэ кэргэн» — Мамика Спиридоновна уонна Макар Еремеевич Неустроевтар дьиэ кэргэн.

Маны сэргэ өр кэмҥэ култуура эйгэтигэр эҥкилэ суох үлэлээбит Слепцова Агафия Михайловнаҕа "За вклад в развитие культуры Таттинского улуса» диэн анал бэлиэ, Айталина Николаевна Егороваҕа "За вклад в развитие Уолбинского наслега" анал бэлиэ туттарылынна, Василий Еремеевич Поповка «Уолба нэһилиэгин Бочуоттаах олохтооҕо» диэн аат иҥэрилиннэ. 50 сыл бииргэ олорбут Мамика Спиридоновна уонна Макар Еремеевич Неустроевтар дьиэ кэргэҥҥэ Ытык ыал анал бэлиэтэ туттарылынна.

Тохсунньу 1 күнүгэр Саха Өрөспүүбүлүкэтин үтүөлээх артыыската Сахаайа уонна Саха Өрөспүүбүлүкэтин народнай артыыһа Александр Бурнашев Уолба олохтоохторун ыллам ырыа кэһиилээх кэлэн саргылаах Саҥа дьылынан эҕэрдэлээтилэр.

Тохсунньу 9 күнүгэр үгэскэ кубулуйбут аҕам саастаахтарга аналлаах тэрээһиҥҥэ нэһилиэкпит пенсионердара тоҕуоруһа муһуннулар. Буоларын курдук олус көхтөөхтүк араас конкурстарга кыттан, үөрэн-көтөн, үөлээннээхтэрин кытта ирэ-хоро кэпсэтэн, оонньоон-үҥкүүлээн  биир сонун киэһээни атаардылар. Тэрээһини иилээн-саҕалаан "Уолбан" бөлөх ыытта.