«Кыайыы кынаттаах ыам ыйа»: Өрөгөй уонна Сүгүрүйүү күнэ

Ыам ыйын 9 күнэ — хас бирдии киһи сүрэҕэр үйэлэргэ умнуллубат улуу өрөгөй, ытык өйдөбүнньүк күнэ. Быйыл улуу Кыайыы 81-с сылыгар  анаан «Кыайыы кынаттаах ыам ыйа» диэн ис хоһоонноох тэрээһин буолан ааста.

Бырааһынньык үөрүүлээх парадынан уонна өрөгөйдөөх митининэн аһылынна. Олохтоохтор уонна тэрилтэлэр үлэһиттэрэ биир киһи курдук сомоҕолоһон, Кыайыы былааҕын аннынан хаамтылар. Митинҥэ нэһилиэк баһылыга тыыл ветераннарын, сэрии сылын оҕолорну бырааһынньыгынан эҕэрдэлээн туран дьэһалта анал бэлэхтэрин туттарда. Биир долгутуулаах түгэнинэн сэрии бэтэрээнэ Бочуров С.С. сиэнэ Максим Рахлеев тыл этиитэ буолла. 

Парад кэнниттэн бырааһынньык  кэнсиэринэн уонна театрализованнай дьүһүйүүнэн салҕанна. 

Кэнсиэргэ олохтоох "Ай талаан" оҕо театральнай кружога уонна улахан дьон, айар куттах талааннар көхтөөхтүк кытыннылар. Сэрии сылларын уорааннаах ырыалара, патриотическай номердар сыанаттан дуораһыйыылара көрөөччүлөрү сэргэхситэ уонна киэн туттуу өйүн-санаатын уһугуннарда.

Улуу Кыайыыны уһансыбыт аҕам саастаахтарбытыгар, тыыл бэтэрээннэригэр уонна сэрии оҕолоругар анаан үөрүүлээх аһылык тэрилиннэ. 

«Кыайыы кынаттаах ыам ыйа» тэрээһин көлүөнэлэр ситимнэрин бөҕөргөттө, хас бирдии кыттааччыга сырдык эрэли уонна дойдуга бэриниилээх буолуу үрдүк өйдөбүлүн хаалларда. Биһиги ветераннарбыт хорсун быһыылара үйэлэр тухары умнуллуо суоҕа!