РФ Бэрэсидьиэнэ Владимир Путин 2026 сылы Арассыыйа

норуоттарын сомоҕолоһууларын сылынан биллэрдэ.

Итинник этиини Бүтүн Россиятааҕы Хаһаах уопсастыбатын атамаана Виталий Кузнецов сэтинньигэ Кириэмилгэ буолбут Норуоттар икки ардыларынааҕы сыһыан сэбиэтин мунньаҕар көтөҕөн турар. Бэрэсидьиэн Владимир Путин норуоттар икки ардыларынааҕы дьиҥнээх сомоҕолоһуу уонна бойобуой бырааттыы сыһыан холобурунан билигин байыаннай  дьайыы кыттыылаахтара — саллааттар уонна эпписиэрдэр — буолалларын бэлиэтээбитэ. Кинилэр Арассыыйа иһин сиэрдээх охсуһууну бииргэ ыыталлар уонна кыргыһыы хонуутугар дойду биир кэлим норуот буоларын дакаастыыллар. Бу усулуобуйаҕа гражданнар икки ардыларыгар иирсээни үөскэтэ сатыыр ханнык баҕарар дьайыылары кытаанахтык бохсор наадалаах диэн ыйыллыбыта.

Россия национальнай политикатыгар кини сиригэр-уотугар олорор хас биирдии норуот ураты төрүт үгэһин үйэтитии, тарҕатыы биир ойуччу миэстэни ылар. Бэйэ-бэйэҕэ ытыктабыллаах сыһыанынан, омук үйэлэртэн кэлбит үгэһин суолталаан, дойду хас биирдии олохтооҕо толору дьоллоох олоҕу билэригэр усулуобуйа тэриллиэхтээх.

Онон 2026 сыл норуоттары сомоҕолоһууга, ыытыллар тэрээһиннэргэ көхтөөх кыттыыны ыларга ыҥырар. Модун Россия күүһэ — норуоттар сомоҕолоһууларыгар!

 Саха Өрөспүүбүлүкэтигэр 2026 сыл Культура сылынан биллэрилиннэ. 

Сахабыт Өрөспүүбүлүкэтин Ил Дархана Айсен Сергеевич Николаев бэлиэтээбитинэн, Култуура сылын сүрүн сыалынан-соругунан норуот култуурунай нэһилиэстибэтин харыстааһын, өрөспүүбүлүкэ үүнэр көлүөнэтин култуура сыаннастарыгар иитии буолуохтаах. Баһылык иһитиннэрбитинэн, кэлиҥҥи сылларга тэриллибит култуура тэрилтэлэрин аныгылыы хабааннаах кииннэрин ситимэ уопсатыбаннай олох туллар тутааҕа, сырдатыы, айар дьоҕур, бэйэ кыаҕын таһаарыныы эргийэр киинэ буолуохтаахтар.

Онтон Тааттабыт улууҺугар баҺылык Айал Семенович Бурцев уурааҕынан  2026 сыл "Айар Ситим", нэһилиэк баһылыга Василий Петрович Рахлеев дьаһалынан Уолбаҕа "Үйэтитии"  сылынан биллэрилиннэ.