Уолбаҕа томтор үрдүгэр саҥа сыл бэлиэтин туруордулар
Быйыл Таатта Уолбатыгар дьон таптаан мустар сиригэр, нэһилиэк килбэйэр киинигэр томторго Саҥа дьыл бырааһынньыгын көрсө норуот айымньытын киинин үлэһиттэрэ уонна нэһилиэк дьаһалтата күөх харыйаны туруоран сандаартылар. Итиэннэ манна саҥа сыл бэлиэтин – оҕуһу мууһунан чочуйан оҥордулар. Ахсынньы бастакы күнүгэр харыйа уота тыган оҕо аймаҕы үөртэ, бырааһынньык тыынын аҕалла. Салгыы эр дьон түмсүүтэ томтор үрдүгэр мууһунан оҥоһук оҥорорго быһаарынан үлэни саҕалаата. Олохтоох уус Иван Боппосов салалтатынан Игнатий Данилов, Николай Егоров, Илья Кусатов уонна Игнатий Слепцов аатынан НАК, ЖКХ, нэһилиэк дьаһалтатын үлэһит эр дьоно көмөлөөн арҕааҥҥы халандаарынан иһэр сыл бэлиэтин – саха атыыр оҕуһун күрүөлээн-аһаалаан ураннык оҥорон туруордулар. Тупсаҕай оҥоһук кэлэр-барар дьону сүргэлэрин көтөҕөр, бырааһынньык үөрүүтүн бэлэхтиир.

Подробнее: https://ulus.media/2020/12/17/uolba-a-tomtor-rd-ger-sa-a-syl-belietin-turuordular/
Категория: Мои статьи | Добавил: uolba_ksk (21.01.2021)
Просмотров: 363 | Рейтинг: 0.0/0
Всего комментариев: 0
avatar
close