Арассыыйаҕа дьиэ-кэргэн сылынан, Саха Өрөспүүбүлүкэтигэр олоҥхо декадатын чэрчитинэн ыытыллар олоҥхоһут, ырыаһыт, чабырҕахсыт, этнограф, чинчийээччи, айанньыт, фольклорист, саха театральнай искусствотын бастакы хардыыларын олук уурсубут Мария Николаевна Андросова-Ионова төрөөбүтэ 160 сылыгар аналлаах өрөспүүбүлүкэтээҕи “ОНДУРУОҺАП ЭМЭЭХСИН КУРДУК ОНОЛУЙА ТУОЙДАХПЫНА” дьахтар олоҥхотун толоруу балаһыанньата.
⚜️ Буолар сирэ: Дьокуускай куорат, “Арчы” духуобунас киинэ
⚜️ Буолар бириэмэтэ: Ахсынньы 4 күнэ 2024 сыл.
⚜️ Тэрийээччилэр: Таатта улууһа” МО дьаһалтата, “Уолба нэһилиэгэ” МТ дьаһалтата, Улуустааҕы норуот айымньытын дьиэтэ, И.Слепцов аатынан норуот айымньытын киинэ, “Арчы” духуобунас киинэ, Саха Өрөспүүбүлүкэтин Олоҥхо Ассоциациятын Тааттатааҕы филиала.
⚜️ Көрүү сыала-соруга:
Саха олоҥхоһут дьахталларын айар үлэлэрин билиһиннэрии, сөргүтүү, үйэтитии;
Норуот тылынан уус-уран айымньытын ураты көрүҥнэрин олоҕурбут ньыманан толорууну өйөөһүн, салҕыы сайыннарыы;
Толоруу маастарыстыбатын үрдэтии, саҥа талааннары арыйыы, олоҥхону толоруу ис — тас кэрэтин кэрэхсэтии;
Дьахтар айылҕаттан айдарыылаах бары өттүнэн дэгиттэр талаанын үүнэр көлүөнэҕэ сырдатыы.
⚜️ Көрүү ирдэбилэ:
- IX-XX үйэ олоҥхоһут дьахталлар олоҥхолорун биирдиилээн уонна бөлөҕүнэн толоруу;
- Кыттааччы сааһа 18-н үөһээ;
- Толоруу уһуна 40 мүнүүтэ. Кыттааччы ахсааныттан көрөн дьүүллүүр сүбэ уларытыы киллэриэн сөп;
- Кыттыы иһин биирдиилээн толорооччу 1000 солк., бөлөҕүнэн толорууга хас биирдии кыттааччы 500 солк. төлүүр.
⚜️ Наҕараадалааһын:
Бөлөҕүнэн уонна биирдиилээн олоҥхону толоруу тус-туспа сыаналанар. Дьүүллүүр сүбэ быһаарыыта бүтэһиктээх.
⚜️ Тэрээһин боппуруостар:
Кыттааччылар анкета-сайаапканы ахсынньы 2 күнүгэр диэри түһэрэллэр, күрэс буолар кэмигэр сайаапка ылыллыбат;
⚜️ Күрэс бырагырааммата: ⚜️
-9:00-9:30 чч. –бэлиэтэнии, сэрэбиэй;
- 9:30 ч. – күрэс аһыллыыта;
- 10:00 ч. – М.Н.Андросова-Ионова олоҥхолорун ырытыы;
-11:00 ч. - күрэс саҕаланыыта
Кыттааччылар айаннарын, аһылыктарын, хонуктарын бэйэлэрэ уйуналлар;
Билсэр аадырыс: Uolba_cnt@gov14.ru
|