Биһиги Уолбабытыгар сылын аайы Аан дойдутааҕы үҥкүү бырааһынньыга бэлиэтэнэр. Ол курдук, быйыл  бу күнү бэлиэтиир "Көтө-дайа кустуктана" бырайыак XXVI сылын ыытыллан, нэһилиэкпит 76 үҥкүүһүтүн сценаҕа түмтэ. Оскуолаҕа киириэн иннинээҕи оҕолортон саҕалаан, ытык сааска үктэммит дьоҥҥо тиийэ түмсэн, биир түһүлгэҕэ мустан, үҥкүү алыптаах хонуутугар көрсөллөр. Буоларын курдук, сыл аайы нэһилиэкпит үҥкүү бөлөхтөрө сааһынан арахсан иккилии араас үҥкүүнү нэһилиэнньэҕэ көрдөрөллөр. Быйылгы тэрээһин темата улуу Кыайыы 80 сылын көрсө байыаннай ырыаларынан үҥкүү уонна көҥүл тема үҥкүүтэ диэн этэ. Уһуйаан оҕолоруттан саҕалаан аҕам саастаах көлүөнэҕэ тиийэ олус кыһаллан, эрдэттэн бэлэмнээбит үҥкүүлэрин көрөөччү дьүүлүгэр таһаардылар, үҥкүү кэрэ алыбар ылларан үҥкүүлээн тэйдилэр, бииртэн биир кэрэ үҥкүүлэр тахсан истилэр.

Бырайыак саҕаланыаҕыттан солбуллубат конферанс Зоя Петровна Боппосова уонна оскуола бастыҥ үөрэнээччитэ Алена Таппырова кэнсиэри олус сэргэхтик иилээн-салайан  ыыттылар