14:55
Уолбаҕа нэһилиэк пенсионердарыгар, аҕам саастаахтарыгар саҥа дьыллааҕы тэрээһин

Тохсунньу 14 күнүгэр Игнатий Слепцов аатынан норуот айымньытын киинигэр аҕам саастаах дьоммутугар, нэһилиэк пенсионердарыгар аналлаах үөрүүлээх тэрээһин буолан ааста.

Тэрээһин “Мазай оҕонньор уонна куобахтар” остуоруйа матыыбынан театрализованнай туруорууттан, Тымныы Моруос оҕонньортон хас биирдии кэлбит ыалдьыкка урукку кэми санатар хаһыат суулаах бэлэх туттарыытыттан саҕаланна. Бу күн маскарад элбэҕэ, оонньуу арааһа, караокенан, байаанынан ырыа дьон-сэргэ сүргэтин ордук көтөхтө. Хас биирдии маскарааттаах кыттааччы илии тутуурдаах, өттүк харалаах астынан, үөрэн бардылар. Тэрээһини ырыаһыттар А.Аржаков, Х.Харайданова уонна А.Борисова, А.Багардынова уонна М.Никонова, Л.Егоров ,“Ньуура суохтар” мини-театр артыыстара уонна  Т. Макаров байааҥҥа оонньоон киэргэттилэр.

Бука бары ыалдьыттарбытыгар уонна  кыттааччыларбытыгар нэһилиэк Ветераннарын Советын уонна норуот айымньытын киинин аатыттан махталбытын тиэрдэбит. 

Просмотров: 417 | Добавил: uolba_ksk | Рейтинг: 1.0/5
Всего комментариев: 0
avatar
close