Таатта улууһун Уолба нэһилиэгин олохтооҕо, норуот маастара Михаил Трофимович Боппосов сылын аайы нэһилиэгин олохтоохторугар араас маастар-кылааһы биэрэр, бэйэтин сатабылларыгар, уһаныы кистэлэҥнэригэр үөрэтэр-такайар. Ол курдук былырыын тэтиҥтэн массажер оҥорорго, онтон быйыл уос номоҕор киирбит Таатта талаҕыттан кур оҥорорго үөрэттэ. Маастар-кылааска оскуола оҕолоро, нэһилиэк олохтоохторо астына сырыттылар, кыттыбыт дьон бука бары талахтан кур илии тутуурдаах бардылар.