"Түмсүү-төлкө төрдө" бэстибээл ыраах да олорор биир дойдулаахтарбытын бииргэ түмтэ. Ол курдук, Уолба орто оскуолатын выпускнига Павел Толстяков бэйэтин уран илиитинэн чочуйан оҥорбут холбукатынан уус-уран оҥоһук быыстапкатыгар кыттыбытын сэргии көрбүппүт. Павел билигин Дьокуускай куоракка Өрөспүүбүлүкэтээҕи тулаайах хаалбыт оҕолор анал (коррекционнай) оскуола-интернаттарыгар учууталынан үлэлиир. Бу холбука кини 2008 сыллаахха М.К.Аммосов аатынан саха государственнай университетын бүтэрэригэр дипломнай үлэтэ эбит. Павел    ис сүрэҕиттэн махтанан туран уонна Кыайыы 80 сылыгар аналлаах "80 үтүө дьыала" хамсааһыҥҥа кыттыһан үөрэммит кыһатын түмэлигэр бэлэх уунна.